Глыбокае (возера, Полацкі раён)
| Глыбокае возера | |
|---|---|
.jpg) | |
| Морфаметрыя | |
| Вышыня над узроўнем мора | 154,0 м |
| Даўжыня | 1,11 км |
| Шырыня | 0,8 км |
| Плошча | 0,42 км² |
| Аб’ём | 0,0022 км³ |
| Даўжыня берагавой лініі | 3,36 км |
| Найбольшая глыбіня | 11,5 м |
| Сярэдняя глыбіня | 5,2 м |
| Гідралогія | |
| Салёнасць | да 0,03 ‰ |
| Празрыстасць | 9,5 м |
| Басейн | |
| Плошча вадазбору | 1,94 км² |
| Выцякаюць | бяссцёкавае |
| Размяшчэнне | |
| Краіна |
 Беларусь |
| Рэгіён | Віцебская вобласць |
  Глыбокае возера |
|
|
|
|
 Глыбокае возера |
|
 |
|
 Медыяфайлы на Вікісховішчы | |
Глыбокае возера — возера ў Полацкім раёне Віцебскай вобласці ў басейне ракі Палата, за 47 км на паўночны ўсход ад Полацка, у межах гідралагічнага заказніка «Глыбокае—Чарбамысла, Вялікае Астравіта»[1] («Глыбокае—Вялікае Астравіта»[2]).
Плошча паверхні 0,42 км². Даўжыня 1,11 км, найбольшая шырыня 0,8 км. Даўжыня берагавой лініі 3,36 км. Найбольшая глыбіня 11,5 м, сярэдняя каля 5,2 м. Аб’ём вады 2,2 млн м³. Плошча вадазбору 1,94 км².
Катлавіна возера складанага тыпу. Схілы катлавіны вышынёй 15—17 м стромкія, на поўначы возера да 2 м і спадзістыя, пад хваёвым лесам. Берагавая лінія слабазвілістая. Берагі вышынёй да 0,5 м, месцамі зліваюцца са схіламі катлавіны, пясчаныя, у паўночнай частцы тарфяністыя. Мелкаводдзе вузкае. Дно да глыбіні 3,5—4 м пясчанае, глыбей залягаюць апясчаненыя ілы і на глыбінях больш за 5,5 м — сапрапель. У паўночна-ўсходняй частцы возера востраў плошчай каля 0,1 га. На захадзе злучана кароткай пратокай з возерам Пустое.
Вада ў возеры вызначаецца нізкай мінералізацыяй і высокай кіслотнасцю (pH 4,8—5). Возера алігатрофнае, бяссцёкавае. Да глыбіні 9,5 м распаўсюджваюцца імхі. Расце палушнік азёрны — рэдкі для Беларусі ахоўны від раслін.
З рыб у возеры водзіцца пераважна акунь.
Зноскі
- ↑ Сайт Полацкага райвыканкама Архівавана 20 чэрвеня 2012.
- ↑ Гидрологические заказники Архівавана 27 снежня 2013.
Літаратура
[правіць | правіць зыходнік]- Богдзель І. І. Глыбокае возера // Энцыклапедыя прыроды Беларусі. У 5-і т. Т.2 / Рэдкал.: І. П. Шамякін (гал. рэд.) і інш. — Мн.: БелСЭ, 1983. — Т. 2. — 522 с. — 10 000 экз.
- Республика беларусь. Витебская область. Полоцкий район: карта / Ред. В. А. Змачинская. — Мн.: Белкартография, 2012. — 5 000 экз. (руск.)
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 21. — 72 с. — 10 000 экз. — ISBN 978-985-508-136-5. (руск.)
Спасылкі
[правіць | правіць зыходнік]- Чырвоная кніга Рэспублікі Беларусь(недаступная спасылка)
- Сайт Полацкага райвыканкама Архівавана 20 чэрвеня 2012.